كئچيبدير، چوخ زامانلار حضــــرت هابيل زامانيندان
بيتر آل لالهلر ايندي، اونــــــــون چؤللرده قانيندان
او،ناحق اؤلدو، ظن ائتمه آدي باتدي، سسي ياتدي
گلير قافقازدان ايـــواي نالهسي " هابيل " كمانيندان
زامانلار اورتاسينــدا چوخ حكايتلر ياتيب سسسيز
بشر آنسا، آلار عبــــــــــرت حياتين داستانينـــــــدان
هوس باعث اولوبـــــدور، آيريليب اينسان حقيقتدن
اولوب بير ييرتيجي حئيوان، چيخيب اينسان مكانيندان
ازهلـــــــده هابيلين قانين تؤكنــــــــده قارداشي قابيل
بيـــــــــزه قالدي جنايت ارث آدم دودمانينــــــــدان
اگر دونيا بوتون علم اولسادا ، فيطرت عوض اولماز
گوناهه اينسان عاشيقدير، خبرسيزدير زامانينــدان
خرابه گونبذ اوستونــده دئيير بايقوش: باخين قصره
قاليب شيـــطان تورو ساسانيانين سازمانينــــــدان
ائشيتمير، سانكي كاردير بايقوشون پيغاميني اينسان
يئنه تعـــــــريف ائدير خلقه پولونــدان، ساختمانيندان
ائله غفلتدهديركي ائيله شيب قبــــــرين قيراغينـــــدا
اؤلومده واردي بيرگــون اينسانا ، كئچمير گومانيندان
نئجه وئرسين جانين عـزرائيله بو، فيكــرايله اينسان
گئديب، ياتسين قارا يئرده، ال اوزسون خانيمانيندان؟
او ثروت كي، دوغور غفلت آتين گئتسين،آچين صحبت
كمان ايله ـ غزهل بيــــرده ، آجي چاي ايستكانينــدان
"سخاني"دفن ائدن دوستلار! دئيين:گوردان ائوه گئتدي
چيخانـــــدا جاني، بيرعؤمرون عذابي، چيخدي جانيندان