گـــــــؤردوگوم يــــــــئر،نظريمده يئكه ميدان اولدو

گؤرمــــــه ميشديم من او ميداني باخيرديم،بيردن

                              آنامـــــــــين قامــــــتي ميــــــــداندا نمايـــــان اولدو

نئــــچه ايلدن سورا گؤرسندي، ايشقلاندي گؤزوم

                              يــــــئتيشيب روحــــــو، منيم روحوما مهمان اولدو

آنامـــــــــين روحـــــــو منيم روحومولا بيرلشدي

                              ائــــــله بيل بير دانــــــــا جسميمده ايكي جان اولدو

چوخ سئوينديم اونو گوردوم اوره گيم چــيرپيندي

                              والـــــــه اولـــدوم، اودا گؤرچك مني  شادان اولدو

دئـــــــديم اي گـــؤزلريمين نورو آنا! هاردايدين؟

                             غــــــم هــــــــــجرينده اينان كي اوره گيم قان اولدو

اونـــدا كي سن واريـــــدين آنلاماديم قدريوي من

                              ســــــن گئـــــــده نــــدن سورا دنيا منه زندان اولدو

ده گـــؤروم توختـاميسان، ايندي يئرين راحتدير؟

                              دوداغــــــي قاچـــــدي باشين توولادي خندان اولدو

گــــؤزلريـن تيكدي منـــــــه حســـرتيله آه چكيب

                              پـوزولـــــوب حالــــــــــــي قهرلندي، پريشان اولدو

دئــــــــدي: من راحــــــــتم! آمما نــگرانم سنده ن

                              ســــــؤزو آغـــزيندا ،دولوب گؤزلري گيريان اولدو

آغـــــلايا - آغــــــلايا  دؤنــــدو ابــــــديت يولونا

                             يـــــولا دوشــــــــــدو او قدر گئتدي كي پنهان اولدو

قــــيشقرانـــدا: آنـــــا گئتمـــه مني يالقيز قويـــما!

                             هـــــاراييمدان،يــــــوخودان جمـــله هـــراسان اولدو

آييلاندان سورا گؤردوم كي گئديب يوخــدور آنام

                              وصل رؤويـــــاسي قوتولـــــدو يئنه هــــــجران الدو

قبر ائـــــوينده اؤلـــــــولرده نــگران دير بيزده ن

                              فلــــــــكين چــرخي چونوب گؤر نئجه دوران اولدو

منــــي دؤنياده هئچ آرواد سئوه بيلمز آنــــــا تك

                              بيـــــر دانايـــــدي آنــــام، افســوس اودا بيجان اولدو

يادينا جمـــــــــعه گؤنـــو دوشدو«سخا»نين آناسي

                             بـــــاشلاييب بو غـــــــــــزلي يازدي غزلخوان اولدو

حميد سخامهر ( سخا )

^{آواره او اوغلانديكي جانانه سي يوخدور}

^{بيچاره ده اول قيزديكي ديوانه سي يوخدور}

^{قيز ائوده گوزو يولدا قاليب ائلچيني گوزلور}

^{اوغلانداكي ائولنمه گه كاشانه سي يوخدور}

^{يانديقجا توكور گوزياشيني صبحه كيمي شمع}

^{دورونده طواف اتمه گه پروانه سي يوخدور}

^{اوغلان گوروسن قيرخا چاتيب سنّي سوبايدير}

^{سن پوللي نشان وئركي حرمخانه سي يوخدور}

^{شاعيركي دئير نعره مستانه چكن يوخ}

^{ويران اولا بو شهري كي ميخانه سي يوخدور}

^{بيلمير كي آدام كفله نيري ايچمه ميش ايندي}

^{از بسكي اويوب نعرهء مستانه سي يوخدور}

^{ايله ايتيريبدير اوزونو خلق تاپانمير}

^{بنزير پوزولان زولفولره شانه سي يوخدور}

^{آنجاق نه دييم عشقه ده حسرت قاليب انسان}

^{بير قوش كيمي كي دنله مه گه دانه سي يوخدور}

^{آختارما سخا بوردا صفا ، چونكي بو شهرين}

^{مين مسجدي وار بير دانا ميخانه سي يوخدور}

  ^{«سخـــــــا»}